Mamma, wees trots op my

- Afrikaans -

Mamma,

Wees nie teleurgesteld in my

al was ek altyd ma se swart skaap kind

Ek dra ‘n groot seerkry in my

Wees asseblief trots op my

Want  mamma,

elke keer as die lewe my laat val

het ek weer opgestaan

selfs al sou ek liewer wil bly lê

Steeds neem ek die verkeerde afdraaipad

wat elke keer weer eindig in ‘n doodloopstraat

Ek is moeg, mamma,

Moeg gestry,

Moeg van al die doodloopstrate,

Te moeg om elke keer weer om te draai

My bagasie is swaar

Ek sleep dit agter my aan

Ek sukkel met my lyf

Maar ek sal weer opstaan

Teruggaan na die grootpad

Gaan soek na die  afdraaipad

wat my eindelik geluk sal bring

Ek sal nie bly lê waar

die lewe my laat val het nie, mamma

Ek sal aanhou stry

Mamma, wees asseblief trots op my

Miskien kan ek leer om myself ook lief te kry